Արամ Սաթյան. հեղինակային երեկո Արամ Խաչատրյան համերգասրահում

Նոյեմբերի 30-ին Արամ Խաչատրյան համերգասրահում անվանի կոմպոզիտոր Արամ Սաթյանի հեղինակային համերգն է։ Կհնչեն նրա սիրված սիմֆոնիկ, օպերային և էստրադային ստեղծագործությունները։

Ովքեր են բեմում

Հայաստանի ազգային ֆիլհարմոնիկ նվագախումբը, Հայաստանի պետական կամերային երգչախումբը (գեղարվեստական ղեկավար և խմբավար՝ Ռոբերտ Մլքեյան) և ՀՀ Հանրային ռադիոյի «Արևիկ» մանկապատանեկան անսամբլը (գեղարվեստական ղեկավար՝ Վահե Հայրապետյան)։ Երգում են Մաշա Մնջոյանը, Սյուզաննա Մելքոնյանը, Արթուր Իսպիրյանը, Սոֆյա Սայադյանը, Հովհաննես Անդրեասյանը, Ադամ Բարրոն, Լուսինե Կճոզյանը, Լիլիան Շահբազյանը և Մարիա Խանդանյանը։ Երեկոյի դիրիժորը Ռուբեն Ասատրյանն է, ասիստենտը՝ Վարդուհի Մինասյանը։

Երբ և որքան

Նոյեմբերի 30-ին, երկուշաբթի, ժամը 19:00-ին, Մաշտոցի պողոտա 46։ Տոմսերը 3000 դրամից են՝ համերգասրահի կայքում։ Կազմակերպիչը Հայաստանի ազգային ֆիլհարմոնիկ նվագախումբն է։

Նույն նվագախումբը նոյեմբերի 20-ին նույն դահլիճում նշում է մեկ այլ հայ կոմպոզիտորի հոբելյան՝ Երվանդ Երկանյանի 75-ամյակը՝ Կոնրադ Տաոյի հետ։