«Չաո»՝ Ղափլանյանի թատրոնում

«Չաոն», ինչպես թատրոնն է ներկայացնում, սիրո մասին է. երիտասարդներ, որոնք առաջին քայլերն են անում «մեծահասակների» աշխարհում, սեփական «ես»-ի փնտրտուք, «հայրեր և որդիներ» հավերժական թեման, և ընտրությունը՝ ո՞ւմ և ե՞րբ ասել «սիրում եմ»։

Դերակատարներ

Ժերոմ Կուֆիսել՝ Հրաչյա Հարությունյան, Սոֆի Կուֆիսել՝ Մարիամ Ադամյան, Վենսան Մարտինե՝ Լևոն Հախվերդյան, Անտուան Մարտինե՝ Արմեն Բարսեղյան, տիկին Մարտինե՝ Լուիզա Ղամբարյան։ Բեմում են նաև Լիզա Բարսեղյանը, Արման Խաչատրյանը, Կարեն Չախարյանը, Էմմա Մանուկյանը, Վլադիմիր Մսրյանը (կրտսեր), Արմեն Մեսրոպյանը և թատրոնի երիտասարդ կազմի մյուս անդամները։

Երբ և որքան

Հոկտեմբերի 25-ին, նոյեմբերի 22-ին և 29-ին՝ կիրակի օրերին, և դեկտեմբերի 10-ին՝ հինգշաբթի, ժամը 19:30-ին, Իսահակյան 28 հասցեում. ներկայացումը մոտ 2 ժամ 20 րոպե է։ Տոմսերը 2500-ից 6000 դրամ են։ Նույն թատրոնում նոյեմբերին են «Փարիզյան դատավճիռը» և «Համլետը»։