«Հովեր» երգչախումբը և Վահագն Հայրապետյան տրիոն

Հոկտեմբերի 20-ին «Հովեր» պետական կամերային երգչախումբը և Վահագն Հայրապետյան տրիոն Կոմիտասի անվան կամերային երաժշտության տանը ներկայացնում են «Հայկական ժողովրդական երգերի մշակումներ» ծրագիրը՝ Ապարանի և Համշենի երգեր՝ ջազային մշակումներով։

Ծրագիրը

Ապարանի երգերից՝ «Մեր հայաթը դիփ քյալամ ու բողկ ա», «Յար, մտքիդ մեռնիմ», «Գնացիր, մնացիր», «Հազարներից քեզ եմ սիրել» և «Սինե, Սինե, Սինամե»՝ Վահագն Հայրապետյանի մշակմամբ։ Համշենի «Սիրուն աղճիկ» և «Էլլա, էլլա» երգերը մշակել է Աննա Ազիզյանը, «Առնեմ էլնեմ Ալագյազ»-ը՝ Վահագն Բաբլոյանը, «Երկինքն ամպէ, հովն անուշ»-ը՝ Էդգար Հովհաննիսյանը։

Կատարողներ

Երգչախմբավարը Սոնա Հովհաննիսյանն է։ Մենակատարներ՝ Ամալյա Թորոսյան, Անի Հովակիմյան, Էդգար Վարոսյան, Արամո Մամիկոնյան և Ազատ Հովհաննիսյան։

Երբ և որքան

Հոկտեմբերի 20-ին, ժամը 19:00-ին, Իսահակյան 1 հասցեում։ Համերգը տևում է մոտ մեկուկես ժամ և նախատեսված է 6 տարեկանից բարձր հանդիսատեսի համար։ Տոմսերը 3000, 4000, 6000 և 8000 դրամ են։ Նույն դահլիճում հոկտեմբերի 23-ին Երվանդ Երկանյանի հոբելյանական համերգն է։