Հանդիպում Ջեյմս Քեմերոնի հետ

Երևանի քաղաքապետարանը ներկայացնում է բացառիկ հանդիպում Ջեյմս Քեմերոնի հետ։ «Տերմինատոր», «Այլմոլորակայիններ», «Տիտանիկ» և «Ավատար» ֆիլմերի ռեժիսորը, սցենարիստն ու պրոդյուսերը նոյեմբերի 23-ին կհանդիպի երևանյան հանդիսատեսի հետ։

Ինչ է սպասվում

Երեկոն երկու մասից է։ Առաջինը զրույց և հարցուպատասխան է Քեմերոնի հետ՝ կինոյի, նրա ստեղծագործական ճանապարհի, մեծ գաղափարների և նորարարությունների մասին։ Երկրորդը նրա ֆիլմերի սաունդթրեքների համերգային ծրագիր է, որի մանրամասները կազմակերպիչները դեռ կհայտարարեն։

Երբ և որքան

Նոյեմբերի 23-ին, ժամը 19:00-ին, Կարեն Դեմիրճյանի անվան մարզահամերգային համալիրում։ Տոմսերը 5000-ից 150000 դրամ են։ Կազմակերպիչը Mezzo Production-ն է։