Սվետլանա Նավասարդյան. դաշնամուրային մենահամերգ

Նոյեմբերի 4-ին Կոմիտասի անվան կամերային երաժշտության տանը մենահամերգով հանդես կգա Սվետլանա Նավասարդյանը՝ ՀԽՍՀ ժողովրդական արտիստ, որին կազմակերպիչը անվանում է հայկական դաշնամուրային դպրոցի ամենավառ և ազդեցիկ ներկայացուցիչներից մեկը։

Ծրագիրը

Վոլֆգանգ Ամադեուս Մոցարտի Ֆանտազիան ռե մինոր, Ռոբերտ Շումանի «Դավիդսբյունդլերների պարերը» և Ֆրեդերիկ Շոպենի մազուրկաները։

Երբ և որքան

Նոյեմբերի 4-ին, ժամը 19:00-ին, Իսահակյան 1։ Տոմսերը 3000-ից 7000 դրամ են, համերգը 6 տարեկանից բարձր հանդիսատեսի համար է։ Կազմակերպիչը Կամերային երաժշտության ազգային կենտրոնն է։

Հաջորդ երեկոյան նույն դահլիճում Երևանի պետական կամերային երգչախմբի 30-ամյակի գալա համերգն է՝ Տիգրան Համասյանի մասնակցությամբ։