Նախատոնական «Եռալեգենդ» երեկո Արամ Խաչատրյան համերգասրահում

Դեկտեմբերի 13-ին, կիրակի, Արամ Խաչատրյան համերգասրահում մեկ բեմում կհնչեն համաշխարհային երաժշտության երեք լեգենդների՝ Ֆրենկ Սինատրայի, Սթիվի Ուանդերի և Մայքլ Բուբլեի ամենահայտնի ու սիրված երգերը՝ հայկական շոու բիզնեսի հայտնի երգիչների կատարմամբ։ Սկիզբը ժամը 20:00-ին է։

Բեմում են Pop Symphony Orchestra-ի երաժիշտները՝ կենդանի հնչողությամբ, Pop Symphony Production-ի պարուհիները և Pop Symphony երգչախումբը։ Կազմակերպիչները խոստանում են նաև երաժշտական անակնկալներ, որոնք կբացահայտվեն միայն համերգի ընթացքում. երգիչների անունները դեռ հայտարարված չեն։

Տոմսեր և կանոններ

Տոմսերը 6000-ից 12000 դրամ են, վաճառվում են համերգասրահի կայքում. տարիքային սահմանափակումը՝ 6+։ Տոմսերը վերադարձի և փոխանակման ենթակա չեն։ Համերգի սկսվելուց հետո ուշացողները սպասում են ճեմասրահում և դահլիճ են մտնում միայն ծափահարությունների ժամանակ։

Տոնական ամսվա մյուս համերգներից են Candlenight-ը Red Hall-ում դեկտեմբերի 27-ին և Վիեննական գալան նույն համերգասրահում դեկտեմբերի 30-ին։