«Մակբեթ»՝ Երևանի պետական կամերային թատրոնում

Երևանի պետական կամերային թատրոնը ներկայացնում է Շեքսպիրի «Մակբեթը» անգլիացի ռեժիսոր Էլիոթ Հաքսթբլի բեմադրությամբ. նա Մեծ Բրիտանիայի Քենթերբերիի շեքսպիրյան փառատոնի գեղարվեստական ղեկավարն է։

Ադապտացիան Շարլոթ Գրումբրիջինն է, թարգմանությունը՝ Հասմիկ Հարությունյանի (Հասմիկ Սեյմոր), երաժշտությունը՝ Վահե Գրիգորյանի, կոստյումները՝ Գայանե Բայաթյանի։

Դերերում

Մակբեթ՝ Վահե Զիրոյան, Լեդի Մակբեթ՝ Սոնա Մաթևոսյան, Դանքըն և Մալքոմ՝ Ավետ Զոհրաբյան, Բանքո և Սիվըրդ Կրտսեր՝ Մհեր Ալաբեգյան, Մաքդաֆ՝ Սուրեն Պողոսյան։ Վհուկներին խաղում են Մոհանան, Էվա Խաչատրյանը և Վիկտորյա Սահակյանը։

Ինչպիսի բեմադրություն է

Թատրոնի խոսքով՝ սա ողբերգության ժամանակակից ընթերցում է՝ մինիմալիստական բեմանկարչությամբ, որտեղ առանձնահատուկ տեղ ունեն վհուկները։ Հոկտեմբերի 7-ին, ժամը 19:00-ին. տոմսերը 3000-ից 8000 դրամ են։